Við erum komin inn í tímabil niðurrifsstjórnmála, á dagskrá er algjör eyðilegging frekar en umbætur og lagfæringar. Svona hefst skýrsla sem gefin var út í dag í tilefni af Öryggismálaráðstefnunni í München sem hefst á föstudag.Hamrað er á því að Evrópa þurfi að vera ákveðnari og sjálfstæðari þar sem „einræðisstjórnin“ í Bandaríkjunum sé ekki lengur skuldbundin lýðræðislegum venjum og gildum.Öryggismálaráðstefnan í München er haldin árlega. Í fyrra vakti tæpitungulaust ávarp J.D. Vance, varaforseta Bandaríkjanna, mikla athygli. Vance sagði að málfrelsi stæði höllum fæti í Evrópu og að afturför í þeim málum væri meiri ógn við álfuna en hernaðarágangur Rússa.Vance mætir ekki á ráðstefnuna í ár heldur verður Marco Rubio utanríkisráðherra fulltrúi Bandaríkjanna ásamt sendinefnd frá þinginu.Skýr
