Sjö ár eru í dag liðin síðan Jón Þröstur Jónsson gekk út af hóteli í Dyflinni, höfuðborg Írlands, og hvarf. Enn hefur leit að honum ekki borið árangur og ekki skýrst hvað varð um hann. Lögreglan á Írlandi óskaði í dag enn á ný eftir því að fólk hefði samband hefði það einhverjar upplýsingar sem gætu komið að gagni við rannsóknina. Í Þetta helst í dag er rætt við Davíð Karl Wiium, bróður Jóns, og Önnu Marsibil Clausen, sem gerði verðlaunaða hlaðvarpsþætti um málið í samstarfi við írska ríkisútvarpið.Davíð Karl Wiium, bróðir Jóns Þrastar Jónssonar, fagnar því að lögreglan óski enn á ný eftir því að fólk hafi samband hafi það einhverjar upplýsingar sem gætu komið að gagni við rannsóknina á hvarfi Jóns. Málið megi ekki gleymast.Davíð segir að það sé sérstök tilfinning að annað ár sé að baki án
