Lögreglubifreið í miðborginni. Mynd úr safni.RÚV / Vignir Már EiðssonTveir menn voru handteknir í miðborg Reykjavíkur í gærkvöld eða nótt vegna líkamsárásar og aðrir tveir vegna árásar og innbrots í Árbæjarhverfi. Allir voru vistaðir í fangaklefum að því er segir í morgunskeyti lögreglunnar á höfuðborgarsvæðinu. Brotist var inn í hús í Grafarholti og tilkynnt um grunsamlegar mannaferðir í Hafnarfirði en sá grunaði var á bak og burt þegar lögreglu bar að.
