Ofurskálin eða Super Bowl - úrslitaleikur bandarísku NFL-deildarinnar í amerískum fótbolta er einn stærsti sjónvarpsviðburður ársins og klukkan hálftólf í kvöld hefst þar viðureign Seattle Seahawks og New England Patriots.Andri Ólafsson, einn umsjónarmaður beinnar útsendingar á Ofurskálinni á Sýn Sport segir áhugann aukast ár frá ári og kjúklingavængir fljúga út í forsölu. „Þetta er stærra og meira en bara leikur,“ segir Andri.Amerískur fótbolti er iðkaður hjá að minnsta kosti þremur félögum hér á landi og yfir hundrað æfa íþróttina að jafnaði. Einn þeirra er Gabríel Andri Hafþórsson sem bæði er þjálfari og leikmaður ameríska fótboltafélagsins Jötnar. Spurður hvað sé skemmtilegt við íþróttina segir hann það vera margt.Þetta er stærra en bara leikur, segir íþróttalýsandi á Sýn um Ofurskálin
