Uppfært lánshæfismat Fitch fyrir ríkissjóð eru góðar fréttir að mati Gylfa Magnússonar, prófessors við viðskiptafræðideild Háskóla Íslands. Hann á þó ekki von á að miklar breytingar á lánskjörum fylgi.„Þetta eru út af fyrir sig góðar fréttir þó að þetta séu kannski ekki stórfréttir. En þeir eru búnir að leggja mat á það sem hefur verið að gerast á Íslandi undanfarin misseri og stöðuna og framtíðarhorfur og eru greinilega ágætlega sáttir,“ segir Gylfi. Vísað sé sérstaklega í lækkun skulda ríkissjóðs með uppgjöri á ÍL-sjóði og sölu á hlutabréfum Íslandsbanka.„Þegar á heildina er litið þá eru kannski ekki nein teikn á lofti um að ríkissjóður sé að stefna í nein vandræði með sínar skuldir. Það er auðvitað lykilatriði í að meta lánshæfi.“ GÆTI GAGNAST FYRIRTÆKJUM SEM TAKA LÁN ERLENDIS Fitch
