Réttindafélag fanga vill að maður sem var á Bakkakoti sem barn fái að ljúka hérlendis afplánun dóms sem hann hlaut á Spáni. Ríkisstjórnin hefur lofað þeim sem voru vistaðir á Bakkakoti sálfræðiþjónustu og aðstoð.Í fréttaskýringaþættinum Kveik í vikunni sögðu fimm menn að húsfreyjan á Bakkakoti á Rangárvöllum hefði beitt þá margvíslegu ofbeldi þegar þeir voru vistaðir þar sem börn. Einn þeirra, Guðmundur Freyr Magnússon, situr í fangelsi á Spáni fyrir að verða unnusta móður sinnar að bana árið 2020. Afstaða, félag fanga, hefur beitt sér fyrir því að hann fái að ljúka afplánun hér.„Afstaða hefur unnið í því núna undanfarin ár að reyna að fá manninn heim til að hann geti í raun og veru fengið aðstoð við sínum áföllum og veikindum. Hann er búinn að vera frekar veikur þarna úti,“ segir Guðmundu
