Unnur Elísabet Gunnarsdóttir, leikari og leikstjóri með meiru, frumsýndi einleiks-, uppistands- og tónlistarsýninguna Skíthrædd í Þjóðleikhúskjallaranum fyrir tæplega ári og nú hefur hún sent frá sér samnefnda plötu með 10 lögum úr söngleiknum og tveimur að auki. „Ég hef gefið út nokkur lög en þetta er fyrsta plata mín,“ segir fjöllistamaðurinn, sem var allt í öllu í sýningunni, höfundur verksins, samdi lög og texta, lék, dansaði og söng.
