Enn er langt í land með að komist verði að samkomulagi við bandarísk stjórnvöld um varnir Grænlands og norðurslóða. Staðan sé þó mun betri en fyrir mánuði þegar Bandaríkjaforseti hótaði valdbeitingu til að ná landinu.Utanríkisráðherrar Danmerkur og Grænlands, Lars Løkke Rasmussen og Vivian Motzfeldt, sögðu þetta aðspurð um niðurstöður fyrsta samningafundar vinnuhóps embættismanna á vegum ríkjanna þriggja á blaðamannafundi eftir að ræðismannsskrifstofa Kanada var opnuð í Nuuk.„Við höfum ekki enn náð æskilegum árangri,“ sagði Motzfeldt. Utanríkisráðherrarnir hittu bandarískan kollega sinn Marc Rubio ásamt varaforsetanum JD Vance í Washington um miðjan janúar að ræða ásælni Bandaríkjaforseta í Grænland.Lars Løkke kveðst hafa gengið nokkuð vongóður út af fundinum þar sem ákveðið var að efna ti
