Eftir að hafa leikið og leikstýrt á sviði við góðan orðstír söðlaði Benedikt Erlingsson um og færði sig yfir í kvikmyndirnar. Það er óhætt að segja að kvikmyndir hans hafi aukið við orðstírinn, Hross í hross, Kona fer í stríð og svo var sjötti og síðasti þáttur Dönsku konunnar nýlega sýndur á RÚV. Benedikt leikstýrði þáttaröðinni og skrifaði hana ásamt Ólafi Agli Egilssyni.Benedikt var gestur Gunnars Hanssonar í Mannlega þættinum á Rás 1.Hann segist ekki geta komist hjá því að teljast hreint leikhúsbarn, verandi sonur Brynju Benediktsdóttur, sem var meðal fremstu leikstjóra sinnar kynslóðar, og stórleikarans Erlings Gíslasonar.„Ég var í útvarpsleikriti sem vöggubarn, píndur af móður minni og látinn gráta. Þá þurfti hún grátandi barn í einhverju útvarpsverki og þá tók hún mig og ég var klip
