Hópur bandarískra þingmanna verður í höfuðstaðnum Nuuk um helgina í boði grænlensku landstjórnarinnar. Grænlenska ríkisútvarpið KNR hefur þetta eftir bandarísku ræðismannsskrifstofunni í Nuuk og að þingmennirnir séu bæði úr röðum Repúblikana og Demókrata.Nöfn þeirra hafa ekki verið gefin upp enn. KNR hefur eftir ónafngreindum, en að sögn traustum heimildarmanni, að sendinefndin hitti fulltrúa utanríkis- og öryggismálanefndar þingsins á morgun. Ellefu bandarískir stjórnmálamenn áttu fund með nefndinni í seinasta mánuði.Til stendur, samkvæmt upplýsingum ræðismannsins, að stjórnmálamennirnir fundi með landstjórninni, þingmönnum og fulltrúum viðskiptalífsins til að öðlast dýpri skilning á stjórnmálum á Grænlandi, viðhorfi landsmanna ásamt því að ræða tengslin við Bandaríkin.Grænlenski þingmaðu
