Dansarinn Elín Signý Ragnarsdóttir gengur í verkin, hvort sem það eru framkvæmdir á heimilinu, aktívismi fyrir umhverfinu eða að koma fjölskyldu yfir landamæri Palestínu til Egyptalands. Hún barðist ötullega til að vernda brimbrettasvæðið í Þorlákshöfn en tapaði þeirri baráttu þegar hálf aldan fór undir landfyllingu.Sigurlaug Margrét Jónasdóttir ræddi við Elínu í Segðu mér á Rás 1 um lífið og tilveruna en einnig nýja danssýningu Íslenska dansflokksins, Garðinn. VERÐUR HRESS EF MAÐUR ER SAMKVÆMUR SJÁLFUM SÉR Elín er að eðlisfari jákvæð manneskja. „Ég er ekki alltaf hress, maður er bara mannlegur en það er mjög oft gaman hjá mér. Ég held að ég upplifi gleði mjög mikið en þá upplifi ég sorg mjög mikið líka.“„Ég held að ég geti ekki falið hvernig mér líður. Ég er smá sensitive, tilfinningar
