Lögregla og slökkvilið höfðu mikinn viðbúnað á vettvangi slyssins.RÚVEinn var fluttur á slysadeild eftir alvarlegt umferðarslys á Miklubraut nærri Rauðagerði. Ekki er vitað um líðan hans að svo stöddu að sögn varðstjóra Slökkviliðs höfuðborgarsvæðisins.Svo virðist sem bíl hafi verið ekið á vegrið. Útkallið barst á tólfta tímanum í kvöld að sögn varðstjórans, fjórir sjúkrabílar voru kallaðir út og tveir dælubílar. Hann segir þá hafa lokið störfum á öðrum tímanum í nótt. Lögregla rannsakar tildrög slyssins.Fréttin var uppfærð með upplýsingum um hinn slasaða.
