Guðni Th. Jóhannesson, prófessor í sagnfræði og fyrrverandi forseti Íslands, fór yfir samskipti Íslands og Grænlands á málþingi í Háskólanum á Akureyri þar sem meðal annars var spurt hver ætti Grænland. Þar veltu þrír doktorar fyrir sér nýlendustefnu og sjálfsákvörðunarrétti þjóða árið 2026. ÍSLENDINGAR TÖLUÐU NIÐUR TIL GRÆNLENDINGA ALLT FRAM Á SÍÐUSTU ÁRATUGI Guðni hóf mál sitt á upprifjun á hvernig við Íslendingar töluðum um nágranna okkar á Grænlandi fyrr á árum - sem var nú ekki fallegt. „Já, við verðum auðvitað að gangast við því að allt fram á síðustu áratugi var litið svo á hér á Íslandi, upp til hópa auðvitað og á því undantekningar, en upp til hópa talið að Grænlendingar gætu bara ekki ráðið sínum málum sjálfir. Þeirra samfélag væri þess eðlis að það væri ekki um það að tala.“„
