Finnbjörn Hermannsson, forseti Alþýðusambands Íslands (ASÍ), segir stjórnvöld hafa snúið baki við þeirri hefð samráðs og samtals sem lengi hafi verið hornsteinn íslensks vinnumarkaðar. Hann gagnrýnir harðlega frumvarp stjórnvalda um breytingar á atvinnuleysistryggingum og segir það marka alvarlega stefnubreytingu þar sem réttindi launafólks séu skert án raunverulegs samráðs.
