Lögmaður Fljótdalshrepps kannar hvort og hvernig hægt sé að innheimta gamla skuld og talsverða fjárhæð sem hreppurinn á inni hjá Vegagerðinni. Peningarnir voru lánaðir til að flýta framkvæmdum í dalnum. VEGBÓTUM FLÝTT GEGN ÞVÍ AÐ HREPPURINN FJÁRMAGNAÐI FRAMKVÆMDIR Eftir bankahrunið 2008 voru litlir fjármunir til vegagerðar og varð úr að Fljótsdalshreppur lánaði Vegagerðinni talsverða peninga til framkvæmda í Fljótsdal. Samkvæmt upplýsingum fréttastofu kostaði hreppurinn alfarið framkvæmdir á nokkurra ára tímabili eftir hrun og sá Vegagerðin aðallega um að hanna og bjóða út vegabætur, til að koma bundnu slitlagi á vegi í hreppnum. Voru þetta ýmist vegir á forræði hreppsins eða spottar sem hefði átt að fjármagna að einhverju leyti í gegnum samgönguáætlun. MIKIL ÞÖRF Á FRAMKVÆMDUM EFTIR
