Inga Sæland er þriðji mennta-og barnamálaráðherrann í núverandi ríkisstjórn. Yfirlýsingar hennar fyrstu dagana í embætti vöktu athygli og komu við kaunin á mörgum en á Alþingi í dag sagði hún stefnu stjórnvalda byggða á gögnum en ekki tískubylgjum. SJALDGÆFT AÐ RÁÐHERRA TAKI MEÐ SÉR RÁÐUNEYTISSTJÓRA Sama dag og Inga tók við lyklavöldum í nýju ráðuneyti undirritaði hún beiðni um flutning á Ásdísi Höllu Bragadóttur, ráðuneytisstjóranum sínum í félags- og húsnæðismálaráðuneytinu, yfir í mennta- og barnamálaráðuneytið. Erna Kristín Blöndal, ráðuneytisstjóri í mennta- og barnamálaráðuneytinu, fluttist yfir í félags- og húsnæðismálaráðuneytið.Í svari til Spegilsins sagði ráðuneytið að þetta hefði verið sameiginleg ákvörðun hlutaðeigandi, Inga hefði átt gott samstarf við Ásdísi Höllu og Ásdís
