Ríkisstjórn Frakklands stóð af sér tvær tillögur um vantraust í gær, sem lagðar voru fram eftir að Sebastian Lecornu forsætisráðherra ákvað að knýja fjárlög ríkisins í gegnum þingið án atkvæðagreiðslu.Lecornu lýsti því yfir í október, þegar hann tók við embætti forsætisráðherra, að hann ætlaði sér að afla stuðnings meirihluta þingmanna fyrir endanlegri afgreiðslu á næstu fjárlögum franska ríkisins.En þegar á hólminn var komið, varð ljóst að flokkadrættir á þinginu væru einfaldlega of miklir; Lecornu ákvað þess vegna að beita umdeildu ákvæði í stjórnarskrá Frakklands, sem leyfir afgreiðslu frumvarpa án atkvæðagreiðslu.Ákvæðið opnar hins vegar fyrir tillögum um vantraust, og tvær slíkar komu fram í gær; önnur af hægri kantinum, frá Þjóðfylkingunni, og hin frá vinstri flokknum La France Insou
