Birta Sólveig Söring Þórisdóttir er alin upp á Selalæk með foreldrum sínum og tveimur systkinum. Hún er leikkona í Þjóðleikhúsinu, leikur aðalhlutverkið í Línu Langsokk og fer með hlutverk Hallfreðs vandræðaskálds í Ormstungu. Hún býr með Nikulási Hansen Daðasyni kærasta sínum, sem einnig er leikari, í Reykjavík. Birta var gestur Felix Bergssonar í Fram og til baka á Rás 2 þar sem hún fór yfir farinn veg og spilaði nokkur vel valin lög fyrir hlustendur. PABBI VANUR AÐ DRAGA HANA FRAM ÚR AÐ AÐSTOÐA VIÐ BÚSKAPINN Birta Sólveig er mikil morgunmanneskja sem vaknar venjulega klukkan sjö. „Ég verð að vakna og fá morgnana mína. Pabbi var vanur að reka á eftir mér fram úr að koma að hjálpa sér en ég vildi sofa sem unglingur,“ segir hún.Faðir hennar var bóndi og hún er alin upp við búskap á Sela
