Síðdegis í dag mun héraðsdómur í Osló taka ákvörðun um gæsluvarðhald yfir norska stjúpprinsinum Marius Borg Høiby, syni norsku krónprinsessunnar Mette-Marit. Farið hefur verið fram á fjögurra vikna gæsluvarðhald yfir Høiby, sem var handtekinn aftur í gærkvöldi, grunaður um líkamsárás, hótun með hnífi og brot gegn nálgunarbanni. Þar að auki hefjast réttarhöld yfir Høiby á morgun vegna fjölda annarra mála, en hann sætir ákæru vegna 38 meintra brota á lögum, meðal annars fyrir ofbeldi í nánu sambandi, nauðgun og fleiri ofbeldisbrot.
