Hinum 5 ára gamla Liam Conejo Ramos og föður hans hefur verið sleppt úr haldi. Feðgarnir eru flóttamenn frá Ekvador en það vakti nokkra reiði á samfélagsmiðlum þegar ljósmynd af handtöku drengsins fór í dreifingu.Umdæmisdómari í Bandaríkjunum fyrirskipaði að feðgarnir yrðu látnir lausir úr haldi innflytjenda- og tollaeftirlits Bandaríkjanna. Omar Ilhan, þingmaður í fulltrúadeild Bandaríkjaþings, greindi frá því að feðgarnir gengu lausir á samfélagsmiðlinum Instagram. Í færslunni má sjá mynd af Ilhan, feðgunum og þingmanninum Joaquin Castro. Liam skartar einmitt sömu bláu húfu á myndinni og þegar hann var handtekinn í janúar.Omar Ilhan / Instagram
