Miklar og óvenjulegar vetrarhörkur ganga nú yfir suðurríki Bandaríkjanna. Fannfergið hefur sett líf íbúa úr skorðum en hitastig fer sjaldan undir frostmark á þessum slóðum.Íbúum í Norður-Karólínu var ráðlagt að vera ekki í umferðinni á bílum sínum vegna aðstæðna en alls var tilkynnt um 750 árekstra í ríkinu í dag. Í Faust, Norður-Karólínu mældist 37 cm jafnfallinn snjór og í West Critz, Virginíu féllu rúmlega 30 cm af jafnföllnum snjó. Þá voru einnig gefnar út veðurviðvaranir í Suður-Karólínu, hluta Georgíu, Tennessee og Kentucky.Yfir 1.000 flugferðum var aflýst frá Charlotte Douglas alþjóðaflugvellinum í Norður-Karólínu, sem er einn af helstu flugvöllum American Airlines. Þá var 600 flugferðum aflýst frá alþjóðaflugvellinum í Atlanta, sem er einn annasamasti flugvöllur í heimi.Í Davis í V
