Karlmaður var handtekinn eftir langa eftirför lögreglu við Miklubraut á sjöunda tímanum í kvöld. Jóhann Karl Þórisson, aðstoðaryfirlögregluþjónn, segir við fréttastofu að maðurinn hafi ekið bíl sem stolið var í hádeginu.Ökumaðurinn stöðvaði ekki bílinn fyrr en eftir að hafa ekið yfir naglamottu lögreglu. EFTIRFÖR Í DRJÚGA STUND Lögreglumenn komu auga á bílinn við Ikea seinni partinn. Þá hafðist eftirför sem varði í drjúga stund. Jóhann Karl lýsir því að lögregla hafi elt manninn víða um höfuðborgina.„Inn í Garðabæ og aftur inn í Reykjavík og niður í Borgartún. Sæbrautina. Bara úti um allt,“ segir Jóhann Karl.„Svo ná þeir að kasta naglamottu fyrir hann á Sæbrautinni og hann fer þarna upp á Miklubrautina og á endanum kemst ekki lengra.“Karlmaðurinn hefur verið vistaður í fangaklefa. Jóhan
