Viðreisn í Reykjavík velur sér nýjan oddvita í leiðtogaprófkjöri flokksins sem lauk klukkan sex. Sitjandi oddviti flokksins, Þórdís Lóa Þórhallsdóttir, ætlar ekki að gefa kost á sér áfram en fjögur eru í framboði. Aðalsteinn Leifsson, Björg Magnúsdóttir, Róbert Ragnarsson og Signý Sigurðardóttir. 72% KJÖRSÓKN Sverrir Páll Einarsson, formaður kjörstjórnar, segir prófkjörið heilt yfir hafa gengið vel og þátttökuna framar vonum. Kosningu lauk klukkan sex og var kjörsókn 72%. Hann segir að kjörstjórn hafi borist ábending um hugsanlegt brot á kosningalögum sem sé til skoðunar. > „Ég get staðfest að okkur barst ábending og við tökum allar ábendingar sem berast til okkar alvarlega. Það er bara verið að skoða tilkynninguna, skoða málin. Ákvörðun kjörstjórnar liggur ekki fyrir enn,“ segir Sver
