Fréttir af pöndum eiga sér langa sögu hér á fréttastofu RÚV. Og ekki bara hér heldur um heim allan. Nýfæddar pöndur, pöndur að leik, pöndur í snjó - fréttirnar gerast varla mikið krúttlegri.En um miðjan desember sögðum við aðeins öðruvísi pöndufrétt. Frétt um að Kína hafi kallað pöndur heim frá Japan í skugga versnandi samskipta ríkjanna.Það er nefnilega það, ef þig langar í pöndu þarftu að vera í góðu sambandi við kínversk stjórnvöld. Í vikunni voru tvíburapöndurnar Xiao Xiao og Lei Lei sendar aftur til Kína. Í fyrsta sinn í hálfa öld eru því engar pöndur í Japan.Áður en við förum djúpt í pólitíkina skulum við fara aðeins yfir sögu þessa merkilega dýrs - risapöndunnar.Uppruni pöndunnar er ekki alveg fullkomlega á hreinu, en talið er að pandabirnir hafi greinst frá öðrum bjarnardýrum fyrir
