Lögreglan á höfuðborgarsvæðinu hafði afskipti af hópi ungmenna sem veittust að manni og réðust á hann. „Árásarþoli reyndist hafa hlotið stórfellt líkamstjón af árásinni og var eitt ungmennið handsamað,“ segir í morgunpósti lögreglu þar sem farið er yfir verkefni gærkvöldsins og næturinnar. Lögregluþjónar á stöð 2 sinntu þessu útkalli en hún sinnir verkefnum í Hafnarfirði og Garðabæ. Málið er til rannsóknar og unnið í samvinnu við Barnavernd. Lögreglunni sem sinnir verkefnum í Kópavogi og Breiðholti barst einnig tilkynning um líkamsárás þar sem gerendur og þolandi voru ungmenni. Alls rötuðu 82 mál inn á borð lögreglu frá klukkan 17 í gær til klukkan 5 í morgun. Nokkur fjöldi ökumanna var stöðvaður í umferðinni, grunaðir um akstur undir áhrifum áfengis eða fíkniefna.Þá var maður kærður fyrir
