Það er útlit fyrir fremur hæga austlæga eða breytilega átt í dag, Veður verður bjart með köflum en sums staðar má búast við skúrum eða éljum við ströndina. Frost verður á bilinu 0 til 5 stig en í kringum frostmark sunnanlands.Það bætir svo aðeins í vind á morgun. Víðast hvar verður hann austlægur, á bilinu 5 til 10 metrar á sekúndu en 10 til 15 við suðurströndina. Veður verður bjart að mestu vestan- og norðanlands en dálitlar skúrir suðaustantil. „Hitanum er nokkuð misskipt. Þar sem vindur er nógu ákveðinn til að blanda loftinu í neðstu lögum, er hiti yfirleitt ofan frostmarks og einnig þar sem andar af hafi. Þar sem vindur er hægur og lítið af skýjum, kólnar loftið næst jörðu niður fyrir frostmark vegna útgeislunnar,“ segir í textaspá Veðurstofu Íslands. Búist er við því að áttin verði áf
