Í dag eru hundrað ár, heil öld, liðin frá því að fyrst var gerð tilraun til útvarpsútsendingar á Íslandi. Ríkisútvarpið varð nýlega 95 ára og síðsumar verða 40 ár liðin frá því fyrsta frjálsa útvarpsstöðin fór í loftið. Útvarp sem fjölmiðill er yfirleitt talið eiga upphaf sitt í kringum 1920.Þó höfðu verið uppi tilraunir með þráðlausar sendingar fræðslu- og skemmtiefnis til almennings fyrir þann tíma en fyrri heimsstyrjöldin tafði þær áætlanir. Fyrsta útvarpsstöðin á Íslandi var í einkaeigu. Ottó B. Arnar, þrítugur símfræðingur, boðaði stofnun hennar í grein í Verði árið 1925.Þar sagði hann frá heimsókn sinni til bandaríska rafmagnsverkfræðingsins Lee De Forest árið 1916, sem þá þegar var tekinn að gera tilraunir með útvarpssendingar. Ottó uppveðraðist allur af þessari stórkostlegu tækni o
