Danskir uppgjafahermenn hafa boðað til þögullar fjöldagöngu í Kaupmannahöfn á sunnudag. Gangan verður farin til að mótmæla ummælum Donalds Trumps Bandaríkjaforseta sem gerði lítið úr aðgerðum bandalagsherja Atlantshafsbandalagsins í Afganistan.Búist er við að þúsundir uppgjafahermanna og almennra borgara mæti í gönguna, sem hefur fengið nafnið Orðlaus (#NOWORDS). „Við viljum koma því á framfæri að ummæli Trumps eru móðgun gagnvart okkur og þeirra gilda sem við vörðum saman,“ sagði Søren Knudsen, varaformaður samtaka uppgjafahermanna. Gangan hefst við minnisvarða um látna hermenn og endar við bandaríska sendiráðið í Kaupmannahöfn þar sem fallinna verður minnst með einnar mínútu þögn.Danski herinn missti 44 hermenn í Afganistan, þar sem danskir hermenn börðust við hlið Bandaríkjamanna og ann
