Möguleg aðild Úkraínu að Evrópusambandinu strax á næsta ári er eitt af þeim atriðum sem rætt er um varðandi samkomulag um frið í Úkraínu, sagði Marta Kos, stækkunarstjóri Evrópusambandsins hér í Brussel fyrr í vikunni. „Aðild að Evrópusambandinu er á borðinu vegna þess að aðild er besta leiðin að aukinni hagsæld fyrir viðkomandi ríki,“ sagði Kos á blaðamannafundi á mánudaginn. „Stækkunin árið 2004 og þróunin síðan þá er besti vitnisburðurinn um þetta,“ bætti hún við.Blaðamannafundurinn sem Marta Kos var á, var haldinn í kjölfar ráðstefnu um aðildarumsókn Svartfjallalands; þess umsóknarríkis sem komið er hvað lengst í ferlinu af þeim níu ríkjum sem hafa þessa stöðu. Búið er að opna alla 33 kaflana sem rætt er um, og þrettán hefur verið lokað til bráðabirgða.En þunginn af þessari umræðu er h
