Slökkviliðið á höfuðborgarsvæðinu fór í færri útköll vegna alvarlegra umferðarslysa á síðasta ári. Þetta kemur fram í tilkynningu frá Slökkviliði höfuðborgarsvæðisins á samantekt verkefna á árinu 2025. Slökkviliðsstjórinn segir að öryggi á vegum hafi batnað. Áhersla verður lögð á eldvarnareftirlit á veitingastöðum og skemmtistöðum sem og í búsetu í atvinnuhúsnæði árið 2026. SVEIFLUR Í ÚTKÖLLUM Verkefni slökkviliðsins eru flokkuð í þrjá flokka: eldsútköll, björgunarútköll og önnur útköll. Dælubílar Slökkviliðs höfuðborgarsvæðisins fóru í 1.353 útköll og fækkaði þeim um 3,8% milli ára. Af útköllunum voru 678 þeirra í forgangi og 601 þeirra eldsútköll. Flest þeirra voru vegna gruns um eld og elds utan dyra.„Varðandi slökkvihliðina þá eru þetta náttúrulega ekki það mörg útköll, eða mengið e
