Kristján Guy Burgess, alþjóðastjórnmálafræðingur og fyrrverandi fréttaritari RÚV í Lundúnum, var gestur Heimsgluggans og ræddi við Boga Ágústsson um bresk stjórnmál. Reform nýtur mestra vinsælda breskra flokka samkvæmt nýjustu könnunum. Fjöldi málsmetandi fyrrverandi ráðherra hefur hlaupist á brott úr Íhaldsflokknum og gengið til liðs við Reform. VERKAMANNAFLOKKURINN VANN STÓRSIGUR 2024 Kosið var til þings í Bretlandi í júlí 2024 og þá vann Verkamannaflokkurinn stórsigur. Raunar segja margir stjórnmálaskýrendur að úrslitin hafi frekar verið ósigur Íhaldsflokksins en sigur Verkamannaflokksins. Það breytir því ekki að Verkamannaflokkurinn fékk meira en 100 sæta meirihluta í neðri málstofu þingsins í Westminster. Kristján Guy Burgess benti á að Verkamannaflokknum hefði tekist að nýta sér m
