Alvotech hefur samið við frumlyfjafyrirtækin Regeneron og Bayer og verður þar með kleift að markaðssetja augnlyfið Eylea á alþjóðlegum mörkuðum. Fyrirtækið segir í tilkynningu að með samningnum hafi verið leyst endanlega úr öllum ágreiningi við Regeneron og Bayer um hugverkaréttindi þeirra.Alvotech hefur þegar fengið markaðsleyfi yfirvalda á Evrópska efnahagssvæðinu, í Bretlandi og Japan. Hægt verður að markaðssetja hliðstæðu Alvotech í Bretlandi, Kanada og Japan frá nýliðnum áramótum og á Evrópska efnahagssvæðinu og öllum öðrum markaðssvæðum að Bandaríkjunum undanskildum frá og með 1. maí.Húsnæði Alvotech.RÚV / Ragnar Visage
