Sjóðir og sjálfstæðar stofnanir sem trassa að skila inn ársreikningum hafa verið sektaðir um 113 milljónir króna til að þrýsta á um að þeir uppfylli skyldur sínar.Lögum samkvæmt verða sjóðir og sjálfstæðar stofnanir að skila inn ársreikningi en stór hluti hefur lítt hirt um slíkt árum og jafnvel áratugum saman. Skyldan á við um alla sjóði og stofnanir sem starfa eftir skipulagsskrá sem hefur verið staðfest af ráðherra, forseta eða konungi Íslands.Ef fólk hnýtur um orðin konungur Íslands á það sínar skýringar. Sjóðirnir og sjálfstæðu stofnanirnar sem um ræðir eru sumir gamlir, mjög gamlir jafnvel.Sá elsti er Reynislegat sem var stofnaður 1662 til þess að „ein ærleg og guðhrædd sorgbitin ekkja, sem á þrjú skilgetin börn eða þaðan af fleiri í ómegð“ gæti notið góðs af jörðinni Reyni í Garðasó
