Verkið er hljómsveitarverk, stef og 14 tilbrigði, en hvert tilbrigði vísar til einhvers af vinum Elgars og gefur tónskáldið í skyn um hvern sé að ræða hverju sinni með því að setja upphafsstafi eða gælunafn við hvert tilbrigði. Við eitt tilbrigðið setur hann þó aðeins þrjár stjörnur. HVERT ER FALDA LAGIÐ? Elgar sagði að „Enigma“ eða „Ráðgáta“ væri nafnið á stefinu og önnur ráðgáta væri líka falin í verkinu: sjálft stefið væri kontrapunktur við alþekkt lag, sem sé að spila mætti frægt lag á móti stefinu þótt það heyrðist ekki í tónlistinni. Ýmsir tónlistarmenn hafa reynt að ráða þá gátu, en engin endanleg lausn fundist. Hafa þó verið gerðar tilgátur um ýmis lög, svo sem enska þjóðsönginn „God save the King“ og skoska þjóðlagið „Auld Lang Syne“ (Hin gömlu kynni). TÓNLIST EINS OG VINIRNI
