Eftir að í ljós kom að Noam Bettan kemur til með að fara fyrir hönd Ísrael í Eurovision í ár hefur landið skotist upp á topp veðbankanna um sigurstranglegasta lagið. Næst á eftir fylgja Finnland, Grikkland og Svíþjóð en ekki er enn komið í ljós hvaða listamenn verða fulltrúar þeirra þjóða.Noam Bettan er 27 ára og sigraði í hæfileikakeppninni HaKokhav HaBa sem er eins konar undankeppni Eurovision í Ísrael. Þar keppa flytjendur þó ekki með því lagi sem þau ætla að flytja í keppninni heldur syngja þau ábreiður af þekktum lögum. Eftir á að koma í ljós með hvaða lagi Bettan keppir.Spár veðbankanna koma væntanlega til með að breytast eftir því sem meiri upplýsingar um hvert framlag fást. Veðbankarnir gefa vísbendingar um hvaða lög eru líkleg til að tróna á toppi úrslita þó svo að oft hafi þeir r
