Aldrei hafa fleiri byrjað í starfsendurhæfingu hjá VIRK en á síðasta ári. Vigdís Jónsdóttir forstjóri segir áhyggjuefni hvað margir þurfa starfsendurhæfingu. Það sé þó jákvætt að fólk leiti sér aðstoðar.2.576 einstaklingar hófu starfsendurhæfingu hjá VIRK á síðasta ári og hafa aldrei verið fleiri. Fjölgun milli ára er 8,6 prósent og er umfram fjölgun á vinnumarkaði.„Það er vissulega áhyggjuefni að það þurfi svona margir á starfsendurhæfingu að halda, en á móti kemur að það getur líka verið ein skýringin að fólk viti meira af okkur í dag og leiti frekar til okkar. Flestir sem fara hérna í gegn hjá okkur útskrifast sem sterkari einstaklingar með meiri vinnugetu en áður. Sem er mjög verðmætt fyrir samfélagið.“Sérstaklega áberandi er fjölgun þeirra sem leituðu til VIRK á síðustu þremur mánuðum
