Maður er í haldi lögreglunnar á höfuðborgarsvæðinu grunaður um íkveikju í fjölbýlishúsi. Málið er til rannsóknar. Í morgunskeyti lögreglunnar segir að minni háttar bál hafi logað í íbúðinni en því hafi fylgt mikill reykur. Slökkvilið réði niðurlögum eldsins og reykræsti og að því búnu tók lögreglan við vettvangi. Maður sem var gripinn við að aka á móti rauðu ljósi í vesturborginni var handtekinn því hann reyndist grunaður um áfengissölu, peningaþvætti, ólöglega dvöl í landinu og fyrir að hafa ráðið sig til starfa án atvinnuleyfis. Auk þessa rannsakar lögregla þjófnað á ferðatöskum í miðborginni og innbrot í heimahús. Lögreglan hafði einnig afskipti af ökumönnum í margs konar ástandi og fyrir ýmis konar brot. Einn bílstjóranna var sextán ára ökuskírteinislaus piltur og var mál hans leyst me
