Demókratarnir Barack Obama og Bill Clinton, fyrrverandi Bandaríkjaforsetar, hvetja landsmenn til að verja gildi sín eftir að alríkisfulltrúi drap Alex Pretti í Minneapolis á laugardaginn. Þá voru innan við þrjár vikur liðnar frá því fulltrúi innflytjendastofnunarinnar banaði Renee Good í sömu borg.Barack og Michelle Obama sögðu í gær að drápið á Pretti hlyti að vekja Bandaríkjamenn til umhugsunar um þá vaxandi vá sem blasi við grunngildum samfélagsins.Bill Clinton sagði í harðorðri yfirlýsingu að árásir og dráp á friðsömum mótmælendum væru algerlega óásættanleg og hvatti landsmenn til að andæfa hástöfum. „Ef við gefum 250 ára gamalt frelsi okkar eftir er ekkert víst að við endurheimtum það nokkurn tíma,“ sagði Clinton.Ríkisstjórn Donalds Trump liggur undir þungu ámæli vegna harðra aðgerða
