„Við höfðum fjögur sjónarmið að leiðarljósi,“ sagði Ursula von der Leyen, forseti framkvæmdastjórnar Evrópusambandsins, eftir leiðtogafundinn í gærkvöld, þegar talið barst að samskiptum við Bandaríkjastjórn. „Við stóðum föst fyrir, vorum tilbúin að ræða málið, við vorum reiðubúin og við vorum sameinuð. Þetta skilaði árangri og þannig höldum við áfram.“En í ummælum Von der Leyen og þjóðarleiðtoga sem mættu á þennan aukafund leiðtogaráðsins sem boðað var til í skyndi um helgina, mátti líka heyra annan og öllu alvarlegri tón um samskiptin við stjórnvöld í Hvíta húsinu.Jafnvel þótt Donald Trump Bandaríkjaforseti hafi ákveðið að bakka með hótanir um refsitolla á átta Evrópuríki - og bakkað með óljósar hótanir um að beita hervaldi til að sölsa undir sig Grænland, þá hafa þessar hótanir orðið til
