Forseti Úkraínu var harðorður í garð bandamanna sinna í Evrópu í ræðu á alþjóðaefnahagsráðstefnunni í Davos í Sviss í dag. Stuttu áður átti hann fund með Donald Trump Bandaríkjaforseta. Fyrsti þríhliðafundur Bandaríkjanna, Úkraínu og Rússlands verður um helgina. EKKERT BREYST ÞÓ AÐ ÁR SÉ LIÐIÐ Zelensky hóf ræðuna á því að minnast á myndina Groundhog day, sem fjallar um mann sem endurlifir sama daginn aftur og aftur. Lífið í Úkraínu minni síðustu fjögur ár minni einna helst á söguþráð myndarinnar. „Enginn vill lifa svoleiðis lífi. Endurtaka sömu hlutina vikum, mánuðum og árum saman. Þannig lifum við lífinu núna.“Hann minnti á ræðu sína í Davos fyrir ári síðan. „Ég endaði ræðuna með þeim orðum að Evrópa þurfi að vita hvernig hún eigi að verja sig. Ár er liðið og ekkert hefur breyst.“Zelen
