Verðmæt efni í grænlenskum jarðvegi eru ekki til sölu og verða ekki sótt nema í fullu samræmi við lög og af virðingu við landsmenn, segir Malene Vahl Rasmussen sveitarstjóri í Kujalleq, syðst í landinu. Þar í jörð liggur megnið af verðmætum málmum á Grænlandi sem hún segir ekki vera til sölu hvað sem þrýstingi, niðrandi orðræðu eða virðingarleysi líður. Þetta kemur fram í opnu bréfi til Donalds Trump Bandaríkjaforseta sem Rasmussen sendi frá sér í kvöld. Orla Joelsen birti bréfið á X, en hann var einn aðalskipuleggjandi fjölmennra mótmæla gegn ásælni Bandaríkjanna síðasta sumar, þegar varaforsetinn JD Vance heimsótti Grænland. Rasmussen segist þurfa að tala hreint út og segir ásælni Bandaríkjanna fylgja skuldbindingar, ekki aðeins lagalegar heldur einnig pólitískar og siðferðilegar. Trump
