Fyrsti loðnufarmurinn kom með skipinu Polar Amaroq til Síldarvinnslunnar í Neskaupstað. Loðnan flæðir inn á færiböndin og fer strax í stærðarflokkara. Kvenfiskurinn er bústnari enda eru verðmæt hrogn farin að myndast. Loðnan er heilfryst og verðmætið eykst eftir því lengra líður á hrygningargönguna og hrognasekkurinn stækkar.Starfsfólkið í vinnslunni munar mjög um loðnuvertíð. Þá fæst hörkukaup; vinnslubónus og vaktaálag. Það þekkir Anna sem kom frá Póllandi og hefur unnið hjá Síldarvinnslunni í 20 ár.„Loðnan kom í gær. Fólk bíður mikið eftir því hvenær kemur loðna. Núna er fólk að brosa. Meiri peningar og meiri bónus. Og allt er flott núna,“ segir Anna Danuta, starfsmaður í uppsjávarvinnslu Síldarvinnslunnar í Neskaupstað. LOÐNAN AUKI FRAMKVÆMDAGLEÐI „Að fá loðnu inn í húsið; því fylgj
