Um milljón íbúar Kyiv eru án hita eftir árásir Rússlandshers á orkuinnviði aðfaranótt þriðjudags. Frost er í borginni og fólk leitar skjóls í upphituðum tjöldum og neyðraskýlum sem reist hafa verið víða. Íslendingur sem búsettur er í borginni segir allt að 80% án hita og rafmagns hverju sinni. Fólk sé að bugast. HUNDRUÐIR DRÓNA Á STÆRÐ VIÐ LÍTINN SENDIFERÐABÍL Zelensky forseti landsins greindi frá því á samfélagsmiðlum í vikunni að búist væri við enn frekari árásum Rússa á orkuinnviði á næstu dögum.Óskar Hallgrímsson, blaðamaður og ljósmyndari, sem búsettur er í borginni segir stórar árásir ekki daglegt brauð. Þær komi á nokkurra daga fresti.„Stundum eru það tveir dagar, stundum fimm dagar, stundum vika. Því lengur sem líður á milli þessara stóru bylgja, því stærri eru þær í umsvifum. Þ
