Sameiginlegt félag ríkis og sveitarfélaga á höfuðborgarsvæðinu tekur við hluta af rekstri Strætó á þessu ári. Leiðakerfi og samskipti við viðskiptavini flytjast til nýja félagsins en aksturshlutinn verður áfram hjá Strætó.Í uppfærðum samgöngusáttmála er kveðið á um að stofnað verði sameiginlegt félag ríkis og sveitarfélaga á höfuðborgarsvæðinu um rekstur almenningssamgangna. Stýrihópur hefur mótað félagið, sem hefur ekki enn fengið nafn, og skipað stjórn. Jóhannes Svavar Rúnarsson, framkvæmdastjóri Strætó, segir að hlutverk Strætó breytist samhliða þessu.„Hluti verkefnanna sem hafa verið unnin hjá Strætó færast yfir í nýtt félag á þessu ári, líklega um mitt ár. Og það sem eftir er hjá Strætó er sá hluti sem hefur sinnt akstri en í kerfinu í dag eru þrír akstursaðilar, tveir verktakar og sí
