Inga Sæland, mennta- og barnamálaráðherra, hefur innleitt nýtt skipurit og verklag í ráðuneytinu. „Breytingarnar leiða óhjákvæmilega til þess að ákveðin störf leggjast niður og hefur sex starfsmönnum verið sagt upp. Um leið er mætt þeirri hagræðingarkröfu sem gerð er á árinu 2026 til rekstrar ráðuneytisins,“ segir í tilkynningu ráðuneytisins.Markmið breytinganna er sagt vera að styrkja faglega stjórnsýslu, skýra ábyrgð og umboð, bæta ákvarðanatöku og tryggja að ráðuneytið sé betur í stakk búið til að sinna lögbundnu hlutverki sínu.„Með breytingunum nú viljum við einfalda verklag og gera það skilvirkara. Við viljum lyfta upp menntamálum og setja aukinn slagkraft í málefni barna í viðkvæmri stöðu. Það er mikilvægt að nýta þá miklu sérþekkingu sem til staðar er í ráðuneytinu og stytta boðleið
