Sveitarfélagið Hornafjörður hefur fengið á sig tvær stjórnsýslukærur. Þetta kemur fram í fundargerð bæjarráðs Hornafjarðar 13. janúar. Önnur stjórnsýslukæran snýr að ákvörðun sveitarfélagsins um að samþykkja umsókn um framkvæmdarleyfi fyrir jarðtæknirannsóknum við Hoffellslón.Hin kæran snýr að ákvörðun byggingarfulltrúa sveitarfélagsins um að veita byggingarheimild fyrir byggingu þrettán gistihúsa að Skaftafelli í Öræfum. Bygging þeirra vakti sterk viðbrögð. Húsin eru í eigu fyrirtækis sem heitir Arctic Circle Hotels. Það er í eigu ferðaþjónusturisans Arctic Adventures og verktakafyrirtækisins Þingvangs.Jóhann Ásgeir Baldurs, framkvæmdastjóri Arctic Adventures, sagði í desember að gagnrýnin á húsin væri leiðinleg. Þau séu ekki fullbúin og eigi eftir að falla betur inn í umhverfið í Skaftaf
