Eigandi hópferðafyrirtækis furðar sig á hvernig skólaakstri hefur verið háttað eftir að grunnskólanum á Raufarhöfn var skyndilega lokað í haust. Sviðsstjóri velferðarsviðs Norðurþings segir ekki hafa komið til greina að bjóða aksturinn út.Í október var Grunnskóla Raufarhafnar lokað vegna skorts á starfsfólki, fyrst fram að jólum og svo út skólaárið. Þá var ákveðið að nemendur skólans myndu stunda nám í Öxarfjarðarskóla en þangað er um fimmtíu mínútna akstur frá Raufarhöfn. Samið var við þann sem þegar sinnir skólaakstri á vegum Norðurþings til þess að taka leiðina að sér.Rúnar Óskarsson, eigandi hópferðafyrirtækisins Fjallasýnar, furðar sig á þessari ákvörðun sveitarfélagsins – sérstaklega í ljósi þess að sá sem sinnir akstrinum er eiginmaður skólastjórans í Öxarfjarðarskóla. Sjálfur hafi
