Rússlandsher gerði umfangsmiklar árásir á orkuinnviði víða um Úkraínu í nótt. Í höfuðborginni Kyiv eru þúsundir án hita og rafmagns í vetrarfrosthörkum, hefur borgarstjórinn Vitaly Klitschko tilkynnt. Hann segir að um 6.000 manns séu án hita og að stór hluti borgarinnar sé án rennandi vatns. Spáð var sex til þrettán stiga frosti í dag. Unnið er að því að koma hita, vatni og rafmagni aftur á borgina.Í byrjun árs gerði Rússlandsher umfangsmestu árásir á orkuinnviði í Úkraínu síðan hann hóf allsherjarinnrás í febrúar 2022. Um helmingur íbúa Kyiv hefur á einhverjum tímapunkti verið án hita og rafmagns frá 9. janúar.Neyðarskýli hafa verið sett upp í íbúahverfum þar sem fólk er án húshitunar og vatns. Þangað getur fólk komið til að hlýja sér.Volodymyr Zelensky, forseti Úkraínu, greindi frá því á
