Strætisvagn og fólksbíll skullu saman við Bústaðavegsbrúna í morgun. Flughált hefur verið á höfuðborgarsvæðinu það sem af er degi.Bæði gangandi og akandi vegfarendur hafa lent í vandræðum í hálkunni sem er svo mikil að margir hafa hreinlega skautað á henni eða fallið.Ekki liggur fyrir hvort slys hafi orðið á fólki í árekstri strætisvagnsins og fólksbílsins, samkvæmt upplýsingum frá lögreglunni. Unnar Már Ástþórsson aðalvarðstjóri segir lögreglu að störfum á vettvangi. Hann bendir á að akstursskilyrði séu hreinlega hættuleg í svona mikilli hálku. STARFSMENN BORGARINNAR VERIÐ AÐ SÍÐAN KLUKKAN FJÖGUR Eiður Fannar Erlendsson, yfirmaður vetrarþjónustu Reykjavíkur, segir starfsmenn borgarinnar hafa byrjað að salta snemma.„Bara strax í nótt varð flughált. Við hófum aðgerðir klukkan fjögur. Þá
