Neðri deild ástralska þingsins samþykkti í dag frumvarp að hertum skotvopnalögum, mánuði eftir hryðjuverkaárás á hátíðahöld Gyðinga á Bondi-strönd þar sem fimmtán manns voru drepnir.Ástralski innanríkisráðherrann Tony Burke lagði áherslu á að ef þessi lög hefðu verið í gildi áður en árásin var framin hefðu árásarmennirnir ekki getað aflað sér skotvopnanna sem þeir notuðu með löglegum hætti.„Harmleikurinn í Bondi krefst þess að ríkisstjórnin bregðist við á skilvirkan máta,“ sagði Burke. „Sem ríkisstjórn verðum við að gera allt sem við getum til að vinna bæði gegn ásetningnum og verknaðaraðferðinni.“Lögin fela í sér uppkaup ríkisins á tilteknum skotvopnum í einkaeign og nýja varnagla á veitingar skotvopnaleyfa. Þá fela þau í sér hert eftirlit með innflutningi skotvopna og ákvæði sem eiga að
